រន្ធត់ណាស់ អាងតែឯងធំ ចឹងម៉ែន (Video)
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍មួយ កាលពីវេលាម៉ោង០៩ព្រឹកថ្ងៃទី១៩ កញ្ញា ២០១៦ ស្ថិតត្រង់ចំណុចភូមិខ្ទរ សង្កាត់ព្រែកលៀប ខណ្ឌជ្រោយចង្វារ រថយន្តក្រឡុកស៊ីម៉ង់ត៍មួយគ្រឿងពេលកំពុងចេញពីបុរីពីបុរីមួយកន្លែង ក៏បានវាក់ជាមួយម៉ូតូមានមនុស្សជិះ២នាក់ បណ្តាលឱ្យម្នាក់ស្លាប់ និងម្នាក់ទៀតរងរបួសធ្ងន់ ។
ប្រភពឱ្យដឹងថា ជនរងគ្រោះឈ្មោះង្វៀង យ៉ាន់ថាន់ អាយុ១៧ឆ្នាំ ស្នាក់នៅក្នុងភូមិបាក់ខែងលើ (ស្លាប់ពេញបញ្ជូនទៅសង្គ្រោះ) ចំណែកម្នាក់ទៀតរងរបួសធ្ងន់ឈ្មោះចូវ យ៉ុងវិ អាយុ១៤ឆ្នាំ ជិះម៉ូតូសង់កូរ៉េ ពាក់ស្លាកលេខកណ្តាល 1H-1253 ។ រីឯបើករថយន្តក្រឡុកស៊ីម៉ង់ត៍រត់បាត់ ក្រោយកើតហេតុ បន្សល់ទុករថយន្ត ពាក់ស្លាកលេខ5A-1271។
ប្រភពបន្តថា មុនពេលកើតហេតុ គេឃើញរថយន្តខាងលើបើកចេញពីបុរី «ឌឹមេគង្គ» យ៉ាងលឿន ដើម្បីឆ្លងផ្លូវទៅខាងឆ្វេងដៃ ។ ស្របពេលនោះ ស្រាប់តែមានម៉ូតូរបស់ជនរងគ្រោះជិះមកពីមុខ ក៏ត្រូវរថយន្តនោះបុកទាំងកំរោល បណ្តាលឱ្យដាច់កង់ម៉ូតូ និងមនុស្សស្លាប់១ របួស១តែម្តង ។
ប្រភពៈកោះសន្តិភាព